बांधकाम विभागाचे
दुर्लक्ष:अपघाताला निमंत्रण देत होता खड्डा
मालवण दि प्रतिनिधी
गेले काही महिने अपघातास निमंत्रण देणारा भरड तारकर्ली नाका येथील रस्त्यावर पडलेल्या खड्याबाबत मालवणच्या बांधकाम विभागाचे लक्ष वेधूनही त्याकडे बांधकाम प्रशासनाने केलेल्या डोळेझाक केल्यानंतर भरड मालवण येथील आदर्श रिक्षा चालक मालक संघटनेच्या रिक्षा चालकांनी पुढाकार घेत हा भला मोठा खड्डा सिमेंट काँक्रिटने बुजविल्याने सर्वत्र समाधान व्यक्त करण्यात येत आहे
मालवण शहरातील भरड तारकर्ली नाका मार्गावर रस्त्यात मोठा खड्डा पडला होता. दुचाकी खड्डयात गेल्याने याठिकाणी अपघातही घडले होते. प्रशासनाचे लक्ष वेधुनही कोणतीही कार्यवाही न झाल्याने आदर्श रिक्षा चालक मालक संघटना भरड मालवण येथील रिक्षा चालकांनी पुढाकार घेत सिमेंट काँक्रीटने खड्डे बुजवले.
अध्यक्ष पप्या कद्रेकर, सुधाकर खोत, संतोष मयेकर, शैलेश लुडबे, जॉनी मेंढीस, मुन्ना मिठबावकर, भाई कांबळी, मंगेश मिठबावकर, प्रसाद वराडकर, राकेश गांवकर व अन्य सहकारी याच्या सहकार्याने हे खड्डे बुजवण्यात आले आहेत. अपघातास निमंत्रण ठरणारे खड्डे बुजवण्यात आल्याने वाहन चालक व पादचारी यांनी रिक्षा व्यावसायिकांचे कौतुक केले आहे.
फोटो :
मालवण शहरातील भरड तारकर्ली नाका मार्गावरील खड्डे रिक्षा चालकांनी स्वखर्चाने बुजवले.
