मालवण (प्रतिनिधी)
शिवसेना (उद्धव बाळासाहेब ठाकरे) पक्षाचे ज्येष्ठ शिवसैनिक जी.एस्. परब व साकेत पवार यांनी निर्मिती केलेल्या शिवसेना दैनंदिनी २०२३ चे प्रकाशन शिवसेना पक्षप्रमुख, माजी मुख्यमंत्री उध्दव बाळासाहेब ठाकरे ह्यांच्या हस्ते मातोश्री येथे करण्यात आले.
या शिवसेना दैनंदिनीमध्ये शिवसेना पक्षप्रमुख उध्दव ठाकरे, युवासेना प्रमुख आदित्य ठाकरे व इतर सर्व शिवसेना नेते, उपनेते, प्रवक्ते, सचिव, खासदार, आमदार, पुरूष व महिला विभाग प्रमुख शिवसेनेस सलग्न असलेल्या विविध संघटना, महानगरपालिकेचे सर्व नगरसेवक, जिल्हाप्रमुख, संपर्कप्रमुख यांच्या माहितीसह दैनंदिन जीवनात उपयुक्त असलेली आवश्यक माहिती अंतर्भूत आहे.
या शिवसेना दैनंदिनी ची निर्मिती जी.एस्. परब व साकेत पवार यांनी केली असून ही शिवसेना दैनंदिनी ८ मे पासून शिवसेना भवन, दादर येथे उपलब्ध होणार आहे. या दैनंदिनी प्रकाशन प्रसंगी शिवसेना पक्षप्रमुख उध्दव ठाकरे, आमदार रविंद्र वायकर, सचिव मिलिंद नार्वेकर, जनसंपर्क प्रमुख हर्षल प्रधान आणि शिवसेना दैनंदिनी निर्मिती प्रमुख जी. एस्. परब व साकेत पवार आदी मान्यवर उपस्थित होते.
