मिरवणुकीत सहभागी होत शिवसैनिकांनी दाखविली निष्ठा;घोषणाबाजी, भगवे झेंडे आणि ढोलताशांच्या गजरात दुमदुमली सावंतवाडी
⚡सावंतवाडी ता.०१ प्रसन्न गोंदावळे-: युवासेना प्रमुख आदित्य ठाकरे आज निष्ठा दौऱ्यानिमित्त सिंधुदुर्ग जिल्ह्यात आले असता त्यांनी सावंतवाडी मतदार संघाचे बंडखोर आमदार दीपक केसरकर यांच्या मतदारसंघात शिवसेनेत समर्थकांसोबत ढोल ताशांच्या गजरात मिरवणूक काढत जोरदार शक्तीप्रदर्शन केले.यावेळी शिवसेनिकांकडून जोरदार घोषणाबाजी करण्यात आली यावेळी चिटणीस नाका ते गांधीचौक अशी भव्य मिरवणूक काढण्यात आली.
मुख्यमंत्री एकनाथ शिंदे यांनी बंडखोरी केल्याने शिवसेनेत मोठं खिंडार पडलं आहे. एकनाथ शिंदे यांना पक्षातील 40 पेक्षा जास्त आमदारांचा पाठिंबा मिळाला आहे. त्यामुळे शिंदे गटाची बाजू भक्कम आहे. दुसरीकडे मुख्य शिवसेनेत मोठं खिंडार पडलं आहे. शिवसेनेत झालेली ही मोठी फूट भरुन काढण्यासाठी शिवसेना युवासेना प्रमुख आदित्य ठाकरे चांगलेच कामाला लागले आहेत.
