१७ वे नवा विद्यार्थी कुमार साहित्य संमेलन उत्साहात संपन्न…

⚡दोडामार्ग ता.२४-:
धी बांदा नवभारत शिक्षण प्रसारक मंडळ, मुंबई अंतर्गत कार्यरत नवदुर्गा माध्यमिक विद्यालयात सन २०२५–२६ साठी आयोजित १७ वे नवा विद्यार्थी कुमार साहित्य संमेलन उत्साहपूर्ण वातावरणात पार पडले.
या संमेलनाचे अध्यक्ष म्हणून साहित्यिक अमित राणे तर कवी संमेलनाचे अध्यक्ष म्हणून सतीश धर्णे उपस्थित होते. विद्यार्थ्यांनी कविता, कथा, निबंध व भाषणातून आपली साहित्यिक प्रतिभा सादर केली.
कार्यक्रमाला शालेय समितीचे अध्यक्ष मिलिंद तोरसकर, सचिव सौ. रश्मी तोरसकर, सहसचिव नंदकुमार नाईक, प्र. मुख्याध्यापिका सौ. उज्वला पारयेकर यांच्यासह मान्यवर उपस्थित होते.
अध्यक्षीय भाषणात अमित राणे यांनी विद्यार्थ्यांनी वाचन-लेखनाची आवड जोपासावी, असे मार्गदर्शन केले. कार्यक्रमाच्या यशस्वीतेसाठी शिक्षक, विद्यार्थी व पालकांचे सहकार्य लाभले.