⚡वेंगुर्ला ता.१६-: वेंगुर्ला नगरपरिषद सार्वत्रिक निवडणूक 2 डिसेंबर रोजी होत आहे.
दरम्यान आज रविवार दिनांक 16 नोव्हेंबर रोजी वेंगुर्ला भाजपा पक्षाच्या वतीने थेट नगराध्यक्ष पदासाठी माजी नगराध्यक्ष दिलीप लक्ष्मण गिरप यांनी उमेदवारी अर्ज दाखल केला आहे. नि. नि. अधिकारी ओंकार ओतारी व सहाय्यक नि. नि. अधिकारी हेमंत किरुळकर यांच्या प्रमुख उपस्थितीत दुपारी ही प्रक्रिया पूर्ण झाली. नगरसेवक पदाचे उमेदवारी अर्ज दाखल करण्याची प्रक्रिया सुरु आहे. यावेळी जिल्हा बँक अध्यक्ष मनिष दळवी, जिल्हा उपाध्यक्ष प्रसन्ना देसाई, जिल्हा कार्यकारिणी सदस्य सुहास गवंडळकर, राजू राऊळ, प्रणव वायगणकर, प्रशांत प्रभू खानोलकर आदी उपस्थित होते.यावेळी बोलताना मनिष दळवी यांनी भाजपामार्फत शहर विकासाच्या कामात अग्रेसर राहू अशी प्रतिक्रिया व्यक्त केली.
वेंगुर्ला नगरपरिषद थेट नगराध्यक्ष पदासाठी भाजप कडून दिलीप गिरप यांनी दाखल केला उमेदवारी अर्ज…
