तीन विद्यमान ग्रामपंचायत सदस्य आणि माजी सदस्यांचा भारतीय जनता पक्षात प्रवेश: महेश सारंगांकडून स्वागत..
⚡सावंतवाडी ता.०३-:
माडखोल (उबाठा) ग्रामपंचायतीतील तीन विद्यमान सदस्य तसेच एक माजी सदस्य आणि स्थानिक कार्यकर्त्यांनी भारतीय जनता पक्षात प्रवेश केला आहे. यामुळे ग्रामपंचायतीच्या राजकारणात नवे समीकरण निर्माण झाले आहे.
ग्रामपंचायत माडखोलच्या विद्यमान सदस्य सौ. सरिता बाळकृष्ण राऊळ, सौ. दिप्ती दिपक राऊळ, सौ. प्रज्ञा उल्हास राणे तसेच माजी ग्रामपंचायत सदस्य आणि माजी विविध कार्यकारी सेवा सोसायटी संचालक श्री. आत्माराम शांताराम लातये व श्री. उल्हास राणे यांनी भारतीय जनता पक्षात प्रवेश केला.
हा पक्षप्रवेश भाजप जिल्हा सरचिटणीस महेश सारंग, रवी मडगावकर, अशोक माळकर आणि मंडळ अध्यक्ष संतोष राऊळ यांच्या उपस्थितीत पार पडला.
या वेळी माजी सरपंच राजन राऊळ, बाळु शिरसाट, अनिता अनिल राऊळ, विद्यमान ग्रामपंचायत सदस्य भाऊ कोळमेकर, कैलास ठाकुर, माजी उपसरपंच सुरेश आडेलकर, अनिल परब, बुध अध्यक्ष संतोष तेली, शैलेश राऊळ, सिद्धेश शिरसाट, सामाजिक कार्यकर्ते लखन आडेलकर, विष्णू (बाबु) राऊळ, विकास म्हाडेश्वर आदी मान्यवर व ग्रामस्थ मोठ्या संख्येने उपस्थित होते.
या प्रवेशामुळे माडखोल (उबाठा) परिसरात भाजपची संघटनात्मक ताकद अधिक बळकट होणार असल्याचे भाजप जिल्हा सरचिटणीस महेश सारंग यांनी व्यक्त केले.
