गतिरोधकाचा अंदाज न आल्याने दोन वाहनांना धडक; सुदैवाने जीवितहानी टळली..
बांदा/प्रतिनिधी
मुंबई गोवा महामार्गावर बांदा सटमटवाडी येथे रस्त्यावरील गतिरोधकाचा अंदाज न आल्याने भरधाव वेगात मोटारीने दोन वाहनांना धडक दिली. सुदैवाने या अपघातात कोणालाही गंभीर दुखापत झाली नाही. मात्र दुचाकी व दोन मोटारिंचे नुकसान झाले. हा अपघात दुपारी अडीच वाजण्याच्या सुमारास झाला.
अपघातग्रस्त मोटार भरधाव वेगात पुण्याहून गोव्याच्या दिशेने जात होती. रस्त्यावर गतिरोधकाचा अंदाज न आल्याने मोटारीची समोरील दुचाकीला जोरदार धडक बसली. दुचाकी त्याच्या पुढे असलेल्या मोटारीवर जाऊन आदळली. यामध्ये दुचाकी चालकाला किरकोळ दुखापत झाली. वाहनांचे मात्र मोठ्या प्रमाणात नुकसान झाले.
