⚡सावंतवाडी ता.०७-: छत्रपती संभाजी महाराजांच्या जीवनावर आधारित व त्यांची शौर्यगाथा सांगणारा छावा चित्रपट सोनुर्ली ग्रामस्थांच्या सहकार्यातून भंडारवाडी शाळा नंबर ३ च्या रंगमंचावर उद्या रात्रौ ठीक ८.३० वाजता मोफत दाखवण्यात येणार आहे. अभिनेता विकी कोशल व तेलगू अभिनेती रश्मिका मंदाना यांची स्टारकास्ट असलेल्या हा छावा चित्रपटाला महाराष्ट्रासह इतर राज्यांत प्रेक्षकांचा मोठा प्रतिसाद मिळत आहे. रसिक प्रेक्षकांच्या मनावर सध्या या चित्रपटाने राज्य केले आहे. छत्रपती संभाजी महाराज यांचा इतिहास सर्वांपर्यत पोहचवा या हेतूने निरवडे उपसरपंच अर्जुन पेडणेकर व भंडारवाडी ग्रामस्थ यांच्या संकल्पनेतून ‘छावा’ हा चित्रपट एलईडी स्क्रिन वर उद्या निरवडे भंडारवाडी शाळा नंबर ३ च्या रंगमंचावर शनिवारी दिनांक ८ मार्च, रात्री ठिक ८:३० वाजता सर्वाना मोफत दाखविण्यात येणार आहे. ग्रामस्थांसह सर्व शिवप्रेमींनी चित्रपट पाहण्यासाठी मोठ्या संख्येने उपस्थित राहून छत्रपती संभाजी महाराज यांचा चित्रपटाद्वारे दाखविण्यात आलेला इतिहास पाहावा, असे आवाहन निरवडे उपसरपंच अर्जुन बळीराम पेडणेकर व भंडारवाडी ग्रामस्थांनी केले आहे.
निरवडे – भंडारवाडी येथे उद्या ‘छावा’ चित्रपट…
