राजन तेली: निकृष्ट रस्त्याच्या कामाबाबत नाराजी
सावंतवाडी ता.०५-: सावंतवाडी विधानसभा मतदारसंघात ठेकेदारांची मक्तेदारी निर्माण झाली आहे. बांधकाम विभागाकडे कामे मंजूर होऊन आल्यानंतर ती कामे मिळविण्यासाठी या ठेकेदारांकडून सर्व प्रकारचे प्रयत्न केले जातात. मात्र, कामे पूर्ण होताना दिसत नाहीत. तसेच अनेक ठिकाणची कामे ही अत्यंत निकृष्ट पद्धतीची होत असल्याच्या तक्रारी कार्यकर्त्यांच्या माध्यमातून प्राप्त झाल्या आहेत. त्यामुळे सावंतवाडी विधानसभा मतदारसंघातील ठेकेदारांची ही मक्तेदारी मोडीत काढणार असून अशा ठेकेदारांना ब्लॅकलिस्ट केले जाईल असा इशारा भाजपचे जिल्हाध्यक्ष राजन तेली यांनी दिला.
