*संघटनेच्या अध्यक्षपदी साईप्रसाद कल्याणकर
*💫सावंतवाडी दि.२५-:* सिंधुदुर्ग जिल्ह्यातील विविध क्षेत्रात काम करणाऱ्या सामाजिक कार्यकर्त्यांनी एकत्रित येऊन अन्याय निवारण फोर्स, सिंधुदुर्ग या संघटनेची स्थापना केली आहे. या संघटनेच्या अध्यक्षपदी साईप्रसाद कल्याणकर (बांदा) यांची नियुक्ती करण्यात आली आहे. सिंधुदुर्ग जिल्हा भ्रष्टाचार मुक्त करणे हे या संघटनेचे मुख्य उद्दीष्ट आहे. ही संघटना विविध कार्यालयातील भष्टाचार व अन्यायाला वाचा फोडण्यासाठी काम करणार आहे. या संघटनेतर्फे माहिती अधिकार कार्यकर्त विविध क्षेत्रात निरपेक्ष, निः स्वार्थी भावनेने काम करणाऱ्या कार्यकर्त्यांच्या पाठीशी उभी राहणार आहे. सिंधुदुर्ग जिल्ह्यातील बेकायदा गौणखनिज उत्खनन आणि वाहतूक, रॉयल्टी चोरीस प्रतिबंध करणेचा पाठपुरावा करणे, प. म. देवस्थानच्या जमिनीतील व्यावसायिक इमारतींची अतिक्रमण हटविण्यासाठी पाठपुरावा करणे हे सुद्धा या संघटनेचे मुख्य मिशन आहे. या संघटनेच्या अध्यक्षपदी साईप्रसाद कल्याणकर, उपाध्यक्षपदी चंद्रशेखर जोशी (माणगाव), सचिवपदी यशवंत आमोणेकर (बिलवडे), सहसचिवपदी शेखर नाईक (सावंतवाडी), खजिनदारपदी सूर्यकांत नाईक (आरोंदा) यांची तर श्रेयस मुंज (सावंतवाडी), शिवाजी गोविंद गवस (झोळंबे) यांची विश्वस्त म्हणून एकमताने निवड करण्यात आली.
