⚡सावंतवाडी, ता.३०-: श्री म्हाळाई देवी कला-क्रीडा मित्रमंडळ व ग्रामस्थांच्यावतीने दिवाळीनिमित्त सोमवारी (ता. ३१) रात्री ८ वाजता भारुडासह टी-ट्वेन्टी डबलबारी भजनाचा जंगी सामना तळवडे-म्हाळईवाडी शाळा क्र. ९ च्या पटांगणावर आयोजित केली आहे.
हा सामना मुंबई-भांडुप येथील श्री स्वामी समर्थ प्रासादिक भजन मंडळाचे बुवा सुशील गोठणकर (पखवाज-तुषार लोट, तबला-योगेश गोठणकर) विरुध्द मुंबई-दिवा येथील श्री सोमजाई देवी प्रासादिक भजन मंडळाचे बुवा संतोष शितकर (पखवाज-हेमंत तवटे, तबला-गौरव पिंगुळकर) यांच्यात होणार आहे. यावेळी विविध सांस्कृतिक कार्यक्रमांसह गुणवंत विद्यार्थ्यांचा सत्कार करण्यात येणार आहे. भजनप्रेमींनी लाभ घ्यावा, असे आवाहन मंडळातर्फे करण्यात आले आहे.
