माझा वेंगुर्ला व लोकमान्य मल्टिपर्पजचे आयोजन;सानिका नाईक यांचे शिरवळे ठरले सर्वोत्तम
वेंगुर्ले (वार्ताहर)-माझा वेंगुर्ला ' व लोकमान्य मल्टीपर्पज सोसायटी यांच्या संयुक्त विद्यमाने उत्सव रानभाज्यांचा अंतर्गत प्रदर्शनात्मक रानभाजी पाककृती स्पर्धेत तालुक्यातील महिलांकडून उत्स्फूर्त प्रतिसाद मिळाला.
या स्पर्धेत वेतोरे गावच्या सानिका सचिन नाईक यांनी शतावरीपासून बनविलेले शिरवळे यांस प्रथम क्रमांक, वेतोरे गावच्या सुमित्रा महेश सावंत हिने बनविलेल्याकोरफडाच्या करंज्या व गोकर्णाचा चहा’ यांस व्दीतीय क्रमांक तर वेंगुर्लेच्या प्रियांका प्रकाश गावडे हिने बनविलेली भरलेली फागली' यांस तृतीय क्रमांक मिळाला. तर उत्तेजनार्थ प्रथम क्रमांक वेंगुर्लेच्या संध्या सदानंद करंगुटकर हिने बनविलेल्यासुरणाच्या हलवा’ या पदार्थास व द्वितीय क्रमांक वेंगुर्लेच्या श्रेया अजित रेडकर हिने बनविलेल्या फातरीची भाजी व चाईच्या भाजीचे मोदक' या पदार्थास मिळाला. पावसाळय़ात उगवणाऱ्या दुर्मिळ रानभाज्यांचे जतन व संवर्धन व्हावे यासाठीमाझा वेंगुर्ला आयोजीत व लोकमान्य मल्टीपर्पज को-ऑप सोसायटी पुरस्कृत उत्सव रानभाज्यांचा अंतर्गत शनिवारी रा. कृ. पाटकर हायस्कूलनजीकच्या स्वामिनी मंडप हॉलमध्ये प्रदर्शनात्मक रानभाजी पाककृती स्पर्धा भरविली होती. याचे उदघाटन माजी नगराध्यक्ष दिलीप गिरप व लोकमान्य मल्टीपर्पज को-ऑप सोसायटीचे रिझनल मॅनेजर आनंद सामंत यांच्या हस्ते झाले. या प्रसंगी व्यासपिठावर उपस्थित मान्यवरात `माझा वेंगुर्ला चे अध्यक्ष निलेश चेंदवणकर, सचिन वालावलकर, संजय पुनाळेकर, मंगलताई परूळेकर, मोहन होडावडेकर, सुनिल नांदोस्कर, प्रशांत आपटे, जयप्रकाश चमणकर, लोकमान्य मल्टीपर्पज को-ऑप सोसायटीच्या मार्केटींग मॅनेजर साक्षी मयेकर, वेंगुर्ले शाखाधिकारी पुरूषोत्तम राऊळ, कुडाळ शाखाधिकारी ऋषिकेश सामंत यांचा समावेश होता.
यावेळी उत्सव रानभाज्यांच्या अंतर्गत आयोजीत स्पर्धेत क्रमांक पटकाविलेल्या स्पर्धकांना लोकमान्य मल्टीपर्पज को-ऑप सोसायटीचे रिझनल मॅनेजर आनंद सामंत, माजी नगराध्यक्ष दिलीप गिरप, परीक्षक मंगल परूळेकर, संजय पुनाळेकर, सुनिल नांदोस्कर, निलेश चेंदवणकर या सहित व्यासपिठावरील मान्यवरांच्या हस्ते बक्षिसे तसेच सहभागी स्पर्धकांना लोकमान्य मल्टीपर्पज को-ऑप सोसायटीतर्फे गृहपयोगी वस्तु भेट म्हणून देण्यांत आल्या.
या कार्यक्रमाचे प्रास्ताविक व सुत्रंचालन प्रशांत आपटे यांनी तर आभार माझा वेंगुर्लेचे अध्यक्ष निलेश चेंदणकर यांनी मानले.
