जिल्हा बँक, नाबार्डचे आयोजन;अध्यक्ष मनीष दळवी उद्या करणार उदघाटन
सिंधुदुर्गनगरी ता २२ -: आंगणेवाडी येथील श्री देवी भराडी जत्रोत्सवाचे औचित्य साधुन सिंधुदुर्ग जिल्हा बँक व नाबार्ड यांच्या संयुक्त विद्यमाने आंगणेवाडी येथील बचत गटांच्या उत्पादीत मालाच्या उत्पादीत मालाचे प्रदर्शन व विक्री कार्येक्रमाचा शुभारंभ सिंधुदुर्ग जिल्हा बँकेचे अध्यश मनिष दळवी यांच्या हस्ते बुधवार २३फेब्रुवारी २०२२ रोजी सायंकाळी ४.३० वाजता श्री देवी भराडी मंदिर नजिक आंगणेवाडी येथे करण्यात येणार आहे.
या शुभारंभ सोहळ्यास प्रमुख अतिथी म्हणून जिल्हा बँक संचालक आमदार नितेश राणे,जिल्हा बँक उपाध्यश अतुल काळसेकर,जि.प अध्यक्ष संजना सावंत , जिल्हा प्रबंधक नाबार्ड अजय थुटे,जिल्हा उपनिबंधक माणिक सांगळे,आंगणेवाडी विकास समिती अध्यश भास्कर आंगणे,मसुरे सरपंच संदिप हडकर, देउळवाडा सरपंच आदिती मेस्त्री, उमेदचे वैभव पवार,महिला विकास आर्थिक महामंडळ समन्वय अधिकारी नितीन काळे,जिप सदस्या सरोज परब, प.सं.सदस्या गायत्री ठाकुर, बँक संचालक संदिप परब,व्हीक्टर डान्टस,मेघनाथ धुरी जिल्हा बँकेचे मुख्यकार्यकारी अधिकारी अनिरूध्द देसाई, आदि मान्यवर उपस्थित रहाणार आहेत
या शुभारंभ सोहळ्यास मोठ्या संख्येने आंगणेवाडी व देउळवाडा गावच्या ग्रामस्थांनी तसेच यात्रेस आलेल्या भाविकांनी व जिल्हा बँकेचे तालुक्यातील विकास अधिकारी, कर्मचारी यांनी सोहळ्यास उपस्थित रहावे असे आवाहन बँकेच्यावतीने करण्यात आले आहे. सदर
बचत गटांच्या उत्पादित मालाचे प्रदर्शन व विक्री २३ ते २५ फेब्रुवारी २०२२ पर्यंत सुरू राहणार आहे.
