चालक किरकोळ जखमी, वाहनाचे मोठे नुकसान
*⚡मालवण ता.०६-:* मालवण तालुक्यातील नांदरुख येथील चिरेखाणीवर चिरे भरून चौके – कुडाळ मार्गे बेळगांव- कर्नाटक येथे चिरे घेऊन जाणारा एलपी ट्रक (क्रमांक . के ए – २२ सी- ५६८८) कासार टाका येथील उतारावर आला असता चालकाचा ट्रक वरील ताबा सुटल्याने ट्रक दरीत कोसळून ट्रकचे मोठ्या प्रमाणावर नुकसान झाले सुदैवाने जिवीत हानी झाली नाही हा अपघात मंगळवार दि ५ ऑक्टोबर रोजी रात्रौ १० वाजण्याच्या सुमारास झाला. या संबंधीचे अधिक वृत्त असे की, नांदरुख येथील चिरेखाणीवरून चिरे भरून एल पी ट्रक हा मंगळवारी चौके – कुडाळ मार्गे बेळगांव- कर्नाटक येथे जात होता हा ट्रक चौके- गोड्याची वाडी बसथांब्यानजिकच्या कासारटाका उतारावर आला असता अचानक चालकाचा ट्रक वरील ताबा सुटला व तो पलटी होत दरीत कोसळला त्यामुळे ट्रकच्या हौद्यातील चिरे सर्वत्र विखुरले होते या अपघातात ट्रक चालक सुदैवाने बचावला असून किरकोळ जखमी झाला होता .एलपी ट्रकचे मोठे नुकसान झाले.
