*💫ओरोस दि.३०-:* कोविड महामारीच्या काळात माध्यमिक शाळांचे वेतन बिल न स्वीकारण्याच्या माध्यमिक विभागाच्या धोरणा विरोधात सिंधुदुर्ग जिल्हा शिक्षक भरती (माध्यमिक) संघटनेच्यावतीने आज जिल्हा परिषद कार्यालयासमोर धरणे आंदोलन सुरू केले आहे. सिंधुदुर्ग जिल्हा शिक्षक भारती संघटनेच्यावतीने जिल्हा परिषद माध्यमिक शिक्षणाधिकारी यांना २५ जून २०२१ रोजी आदोलनाची नोटिस देऊन कर्मचाऱ्यांच्या समस्यांबाबत लक्ष वेधले होते. तसेच जिल्ह्यातील सर्व माध्यमिक शाळांची वेतन बीले स्वीकारून वेळेत पगार होण्याच्या दृष्टीने उचित कार्यवाही व्हावी अशी मागणी केली होती. मात्र माध्यमिक शिक्षण विभागाकडून याबाबत कोणतीच उचित कार्यवाही अथवा दखल घेतली गेली नाही. या विरोधात सिंधुदुर्ग जिल्हा शिक्षक भारती संघटनेच्यावतीने आज जिल्हा परिषदेसमोर धरणे आंदोलन सुरू केले आहे. या धरणे आंदोलनात कोरोनाचे सर्व नियम पाळून शिक्षक भारती संघटनेचे जिल्हा अध्यक्ष संजय वेतुरेकर, राज्य प्रतिनिधी चंद्रकांत चव्हाण, गिरीश गोसावी, दिगंबर सारंग, आनंद राठ्ये हे सहभागी झाले आहेत.
माध्यमिक शिक्षणाधिकाऱ्यां विरोधात शिक्षक भारतीचे धरणे आंदोलन
