⚡वैभववाडी ता.०२-: राष्ट्रपिता महात्मा गांधी जयंती निमित्त शुक्रवारी वैभववाडी शहरांमध्ये स्वच्छता ही सेवा या स्वच्छता भारत मिशनच्या उपक्रमांतर्गत स्वच्छता मिशन मोहीम राबवत वैभववाडी शहरात स्वच्छतेचा एल्गार करत संपूर्ण शहर स्वच्छ करण्यात आले. या मोहिमेत शाळकरी मुलेही मोठ्या संख्येने सहभागी झाली होती.
वाभवे- वैभववाडी नगरपंचायत पुढाकाराने अर्जुन रावराणे विद्यालय, वैभववाडी यांच्या सहकार्याने आणि स्वच्छता मिशन सिंधुदुर्ग यांच्या सहभागाने ही मोहीम शुक्रवारी राबविण्यात आली. नगरपंचायत कार्यालयाच्या प्रांगणात या मोहिमेला सुरुवात झाली. नगराध्यक्ष श्रद्धा रावराणे यांनी यावेळी मनोगत व्यक्त केले. संपूर्ण वैभववाडी शहर स्वच्छ ठेवण्याचा आमचा प्रयत्न नेहमीच राहिला आहे. या मोहिमेमुळे आम्हाला आणखी प्रेरणा मिळाली आहे. शहर स्वच्छ ठेवणे ही जशी नगरपंचायतीची जबाबदारी आहे तशी प्रत्येक नागरिकांनीही जबाबदारी स्वीकारून शहर स्वच्छ ठेवण्यासाठी सहकार्य करावे असे आवाहनही नगराध्यक्ष श्रद्धा रावराणे यांनी केले.
स्वच्छता मिशनचे समन्वयक पत्रकार गणेश जेठे यांनी सर्वांना स्वच्छतेची शपथ दिली. त्यानंतर वैभववाडी शिक्षण प्रसारक मंडळाचे कार्याध्यक्ष, सिंधुदुर्ग जिल्हा परिषदेचे माजी सभापती जयेंद्र रावराणे, निवृत्त नायब तहसीलदार दिलीप पाटील, सिंधुदुर्ग जिल्हा व्यापारी महासंघाचे अध्यक्ष संजय सावंत यांनी सर्व नागरिकांनी स्वच्छतेसाठी सहभाग दर्शवावा असे आवाहन केले. शहरातील नागरिकांना पत्रके देऊन स्वच्छतेचे आवाहन केले.
या मोहिमेत अर्जुन रावराणे विद्यालयातील मुले आणि शिक्षक मोठ्या संख्येने सहभागी झाले होते. त्याशिवाय आनंदी रावराणे महाविद्यालयाच्या मुली सुद्धा यावेळी उपस्थित होत्या.
दत्त मंदिर परिसरात पुन्हा एकदा स्वच्छतेची शपथ घेऊन सर्वजण वैभववाडी तहसीलदार कार्यालयाच्या दिशेने निघाले. बाजारपेठ आणि बस स्थानक परिसर साफ केल्यानंतर वैभववाडी पोलीस स्थानक परिसरातही कचरा गोळा करण्यात आला.
यावेळी शाळकरी मुले स्वच्छतेसंबंधीच्या घोषणा जोरजोरात देत होत्या. संपूर्ण बाजारपेठेतील वातावरण स्वच्छतेच्या घोषणांनी भारावून गेले होते.
ही मोहीम दीड ते दोन तास चालली. या मोहिमेत जि प सदस्या श्रावणी रावराणे माझी नगराध्यक्षा स्नेहा माईनकर माजी नगराध्यक्षा अक्षता जैतापकर उपनगराध्यक्ष प्रदीप रावराणे, नायब तहसीलदार सचिन निकम, वैभववाडी तालुका व्यापारी संघाचे अध्यक्ष तेजस आंबेकर, महेश संसारे, रोहन रावराणे विवेक रावराणे, सुभाष रावराणे, नंदकुमार रावराणे, रणजीत तावडे,उत्तम सावंत, विनायक पाताडे, अनंत राणे,विजय जामदार, अनिल मेस्त्री, पत्रकार संजय सावंत, अश्विनी पेडणेकर संजय शेळके, गुरु सावंत,तुषार नेवरेकर, रोहित मोंडकर, प्रदीप राणे,शेख सर,सतीश घाडी,मोहन पडवळ,मारुती कांबळे, महेश रावराणे स्वच्छता अधिकारी राघव सावंत आणि अनेक पदाधिकारी नागरिक व व नगरपंचायतीचे कर्मचारी स्वच्छता प्रेमी या मोहिमेत सहभागी झाले होते.
फोटो स्वच्छतेची शपथ देताना पदाधिकारी विद्यार्थी नागरिक उपस्थित
शहरात स्वच्छता म्हणून राबवताना विद्यार्थी पदाधिकारी नागरिक छाया संजय शेळके वैभववाडी
