मालवण दि प्रतिनिधी
आषाढी एकादशी निमित्त श्री विठ्ठल रखुमाई देवालय पळसंब वरची वाडी येथे शनिवार, दि.२५ जुलै २०२६ रोजी विविध धार्मिक कार्यक्रमांचे आयोजन करण्यात आले आहे.
यानिमित्त सकाळी ८.३० वा.- श्री. मंगेश आत्माराम साईल, सहाय्यक आयुक्त राज्यकर सहयुक्त व्यवसायकर विभाग, वस्तू व सेवाकर भवन, वांद्रे (पुर्व) यांच्या हस्ते शासकीय महापूजा, सकाळी १० ते १२ वा. जुने परंतु वापरण्यायोग्य असे कपड्यांचे संकलन करणे आणि संकलन झालेले कपडे अनाथ आश्रमाला दान करणे हा सामाजिक उपक्रम, दुपारी २.०० वा. रवळनाथ प्रफुल्ल भजन मंडळ, आडवली – भटवाडी यांचे सुस्वर भजन, दुपारी ३.०० वा. श्री जयंतीदेवी प्रासादिक भजन मंडळ, पळसंब गावठाण व दुपारी ४.०० वा. भावई प्रासादिक भजन मंडळ, मालडी यांचे सुस्वर भजन,
सायं. ५.०० वा. कीर्तनकार- ह.भ.प. सौ. आरती सुनिल बापट, नारिंग्रे हार्मोनियम साथ- श्री. विनोद परब, नारिंग्रे तबला साथ- श्री. सिद्धेश देवधर, हिंदळे यांचे किर्तन, रात्री ७.३० वा- श्री विठ्ठल रखुमाई प्रासादिक भजन मंडळ, पळसंब (वरचीवाडी) यांचे दिंडी भजन असा विविधरंगी कार्यक्रम होणार असून भाविक भक्तांनी कार्यक्रमाचा लाभ घ्यावा असे आवाहन श्री विठ्ठल रखुमाई देवालय ट्रस्ट, पळसंब वरचीवाडी यांच्यावतीने करण्यात आले आहे.
