प्रभारी सिव्हिल सर्जन हे मेडिकल कॉलेजची निविदा मॅनेज करण्यासाठीच;अवघ्या दोन महिन्यांत सिव्हिल सर्जनाची बदली कशी?
*💫कणकवली दि.०२-:* सिंधुदुर्ग जिल्ह्यात खासगी डॉक्टर सर्वसामान्य रुग्णांची लूट करत आहेत.महिलांच्या प्रसूतीसाठीची बिले तब्बल ५० ते ९५ हजार काढली जात आहेत.कुडाळात असाच एक प्रकार घडला,त्या खासगी डॉक्टराला सत्ताधारी पक्षाच्या आमदाराने पाठीशी घातले आहे.सिव्हील सर्जन श्रीमंत चव्हाण यांच्या बदली मागे तेच कारण आहे,तसेच मेडिकल कॉलेजच्या निविदा मॅनेज करण्यासाठी प्रभारी सिव्हिल सर्जन असावेत,अशी भूमिका सत्ताधारी लोकांची आहे.भ्रष्ट अधिकारी, ठेकेदार,भरमसाठ बिले घेणाऱ्या डॉक्टरांच्या सत्ताधारी पाठीशी-ल असल्याचा आरोप परशुराम उपरकर यांनी केला.कणकवली येथील मनसे संपर्क कार्यालयात आयोजित पत्रकार परिषदेत ते बोलत होते. यावेळी जिल्हा उपाध्यक्ष दया मेस्त्री,जिल्हा सचिव बाळा पावसकर, वैभववाडी तालुकाध्यक्ष सचिन तावडे ,देवगड तालुकाध्यक्ष चंदन मेस्त्री, प्रसाद गावडे आदी मनसे पदाधिकारी उपस्थित होते. सिव्हील सर्जन श्रीमंत चव्हाण यांच्या बदली करत सत्ताधारी परत एकदा जनतेची बाजू सोडून जनतेला लुटण्याऱ्या लोकांना साथ देत असल्याचे दिसून आहे. मेडिकल कॉन्सिलच्या दरानुसार रूग्णांना कोटेशन, छापील बिले दिली जात नाहीत.रुग्णांची भरमसाठ लूट केली जात आहे.खासगी डॉक्टर सिझरींगसाठी ५० ते ९५ हजार बिले देत आहेत.कुडाळात बिलाच्या वादातून सत्ताधारी पक्षाच्या कार्यकर्त्यांनी झटपती केली.त्याची कोणतेही दखल न घेता त्यांना वाचविण्यासाठी अवघ्या २ महिन्यात सिव्हिल सर्जन यांची बदली केली.विनंती बदली नाही,मागील सिव्हिल सर्जन बद्दल अनेक तक्रारी असताना बदली न करता आताचे सिव्हील सर्जन यांची बदली करुन सत्ताधारी लोकांनी काय साधले ? असा सवाल परशुराम उपरकर यांनी केला. आपल्याच आमदाराने तक्रार असलेल्या प्रांताची बदली पालकमंत्री बदली का करु शकले नाही?पुढचा सिव्हिल सर्जन ठेकेदार मॅनेज करणारा हवा आहे.डॉ. श्रीपाद पाटील ५ वर्षे गायब होते.त्यांना चार्ज देण्यात आला.जे सर्जन आहेत,त्यांना चार्ज देण्याची गरज असताना हॉस्पिटलचा खेळ खंडोबा करायला हा चार्ज श्रीपाद पाटील यांच्याकडे दिला असल्याची टीका परशुराम उपरकर यांनी केली.
