⚡सावंतवाडी ता.०८-: महाराष्ट्र शासन-शालेय शिक्षण व क्रीडा विभाग आयोजित शिक्षक व अधिकारी स्पर्धा आयोजित केलेल्या विविध शिक्षक स्पर्धांमध्ये मिलाग्रीस हायस्कूल सावंतवाडीच्या क्रीडा शिक्षिका श्रीम शेरॉन अल्फान्सो यांनी घवघवीत यश संपादन केले आहे.
त्या गोवा युनिव्हर्सिटीमध्ये सलग चार वर्ष भालाफेक प्रकारात गोल्ड मेडलिस्ट असून दिनांक 6 डिसेंबर रोजी कोल्हापूर या ठिकाणी झालेल्या विभागस्तरीय भालाफेक या क्रीडा प्रकारांमध्ये प्रथम क्रमांक प्राप्त केलेला आहे.सातारा सांगली, कोल्हापूर, रत्नागिरी व सिंधुदुर्ग येथील स्पर्धकांमध्ये त्यांनी हे अभूतपूर्व यश प्राप्त केले आहे.
यानंतर राज्यस्तरावर होणाऱ्या क्रीडा स्पर्धांमध्ये त्यांची निवड झालेली आहे.त्याबद्दल सगळीकडून त्यांच्यावर अभिनंदन याचा वर्षाव होत आहे.
प्रशालेचे मुख्याध्यापक फादर रिचर्ड सालदाना, पर्यवेक्षिका श्रीम.संध्या मुणगेकर तसेच सर्व शिक्षक व शिक्षकेतर कर्मचारी यांनी त्यांचे अभिनंदन केले आहे.
शिक्षिका शेरॉन अल्फान्सो यांचा विभागीय स्पर्धेत प्रथम क्रमांक…
