⚡मालवण ता.१५-:
मालवण नगरपरिषद सार्वत्रिक निवडणूकीसाठी शिवसेना पक्षाकडून नगराध्यक्ष पदासाठी माजी नगरसेविका सौ. ममता वराडकर यांचे नाव निश्चित करण्यात आले आहे. आमदार निलेश राणे यांनी सौ. वराडकर यांना शिवसेना पक्षाचा अधिकृत एबी फॉर्म सुपूर्द केला व पुढील वाटचालीस शुभेच्छा दिल्या.
याचवेळी मालवण शहर प्रभाग तीन मधून शिवसेना शहर प्रमुख दीपक पाटकर यांना नगरसेवक पदासाठी शिवसेना पक्षाचा एबी फॉर्म देण्यात आला. तर प्रभाग क्रमांक नऊ मधून महेश कोयंडे यांना एबी फॉर्म देण्यात आला. शिवसेना पक्षाकडून सर्व नगरसेवक उमेदवारांना एबी फॉर्म वितरित करण्याची प्रक्रिया सुरु करण्यात आली आहे. दि. १६ नोव्हेंबर रोजी सकाळी शिवसेना पक्षाचे उमेदवार उमेदवारी अर्ज दाखल करणार आहेत, अशी माहिती शिवसेना जिल्हाप्रमुख दत्ता सामंत यांनी दिली आहे.
