⚡देवगड ता.२४-: विजयदुर्ग एसटी आगाराकरिता बीएस ६ प्रकारातील नवीन पाच एसटी बस प्राप्त झाल्या आहेत. पालकमंत्री नीतेश राणे यांच्या वाढदिवसाचे औचित्य साधून भाजपचे पडेल मंडल अध्यक्ष बंड्या नारकर यांच्या हस्ते या एसटी बसगाड्यांचे लोकार्पण करण्यात आले.
यावेळी माजी सभापती रवी पाळेकर, उत्तम बिर्जे, पडेल सरपंच भूषण पोकळे, विजयदुर्ग सरपंच रियाज काझी, महेश बिडये, प्रसाद देवधर, नीलेश मणचेकर, महेश चव्हाण, ग्रेसीस फर्नांडिस, महिला मोर्चा पडेल मंडल अध्यक्षा सौ. संजना आळवे, ग्रा. पं. सदस्या सौ. शुभा कदम, सौ. प्रतिक्षा मिठबाकर, सौ. पूर्वा लोंबर, श्रीमती गीता लळीत, विजयदुर्ग आगार व्यवस्थापक विवेक जमाले, स्थानकप्रमुख सचिन डोंगरे, विजयदुर्ग ग्रा. पं. अधिकारी ए. डी. वारे, दर्शन डोंगरे, दीपक मिठबावकर, अमित दत्ताराम डोंगरे, योगेश डोंगरे यांच्यासह विजयदुर्ग आगारातील कर्मचारी वर्ग, चालक- वाहक, स्थानिक ग्रामस्थ व पंचक्रोशीतील भाजपचे पदाधिकारी व कार्यकर्ते उपस्थित होते. पालकमंत्री नीतेश राणे यांच्या विशेष प्रयत्नातून विजयदुर्ग आगाराला बीएस ६ प्रकारातील बसगाड्या प्राप्त झाल्या असून प्रवाशांचा प्रवास अधिक सुखकर होणार आहे.
