मालवण व्यापारी संघाचे आयोजन..
मालवण (प्रतिनिधी)
नारळी पौर्णिमेचे औचित्य साधून मालवण व्यापारी संघाच्या वतीने यावर्षी पारंपारिक वेशभूषा स्पर्धेचे आयोजन करण्यात आले आहे. ही स्पर्धा दि. १९ ऑगस्ट रोजी दुपारी ३ वाजता मारुती मंदिर सोमवार पेठ मालवण येथून सुरु होऊन बंदरजेटी येथे संपेल. त्याचा निकाल व बक्षीस समारंभ त्याच दिवशी ५ वाजता मारुती मंदिर सोमवार पेठ मालवण येथे होईल. सदर स्पर्धा सर्वांसाठी खुली आहे.
या स्पर्धेतील गट क्रमांक १- बालवाडी ते इयत्ता तिसरी साठी प्रथम – रु. १०००/- व प्रशस्त्रीपत्र, द्वितीय- रू. ७००/- व प्रशस्तीपत्र, तृतीय रु. ५००/- व प्रशस्तीपत्र, उत्तेजनार्थ १ रू. ३००/- व प्रशस्तीपत्र, उत्तेजनार्थ २- रु. ३००/- व प्रशस्तीपत्र, गट क्रमांक २ इयत्ता चौथी ते सातवी साठी प्रथम- रु. १५००/- व प्रशस्तीपत्र, द्वितीय रु. १२००/- व प्रशस्तीपत्र, तृतीय – रु. ८००/- व प्रशस्तीपत्र, उत्तेजनार्थ १ रु. ५००/- व प्रशस्तीपत्र, उत्तेजनार्थ २- रु. ५००/- व प्रशस्तीपत्र तसेच दोन्ही गटातील सर्व सहभागी स्पर्धकांना सर्व सहभागी स्पर्धकांना भेट वस्तू व सहभाग प्रमाणपत्र देण्यात येणार आहे. स्पर्धकांनी नाव नोंदणी अरविंद सराफ (९४२२४३४८३१) यांच्याकडे दि. १९ ऑगस्ट पर्यंत दुपारी २ वाजेपर्यंत द्यावीत, असे आवाहन करण्यात आले आहे.
