दुपारी दोनची घटना:चालक जखमी..
⚡बांदा ता.०२-: बांदा दाणोली मार्गावर विलवडे खांबलेश्वर मंदिर जवळ समोरून येणाऱ्या वाहनाला बाजू देताना चालकाचा ताबा सुटून रस्त्यालगतच्या दलदलीत जाऊन ट्रँक्टर अपघातगस्त झाला. वाहन चालक जखमी झाल्याने तो काही वेळ बेशुध्द होता. स्थानिक ग्रामस्थ व सरपंच प्रकाश दळवी अपघातस्थळी धाव घेत जखमीला उपचारासाठी रुग्णालयात हलविले. ट्रँक्टरचे किरकोळ नुकसान झाले. हा अपघात आज दुपारी दोन वाजण्याच्या सुमारास घडला. याबाबत बांदा पोलिसांत कोणतीही तक्रार दाखल नव्हती.
मंगळवारी दुपारी चालक हा ओटवणे येथून बांदाच्या दिशेने दोडामार्ग येथे रस्त्याच्या कामासाठी ट्रँक्टरला हाँट मिक्सर जोडून घेऊन जात होता. विलवडे खांबलेश्वर मंदिर जवळ दुसर्या वाहनाला बाजू देताना वाहन चालकाचा ताबा सुटून रस्त्यालगत दलदलीत ट्रक्टर अपघातग्रस्त झाला.
गेल्या आठवड्यात वाफोली डोंगरीकर हाँटेल जवळ उतार व वळणावर रस्त्याचा अंदाज न आल्याने ट्रक कलंडून अपघातग्रस्त झाला होता. सदर रस्ता खड्डेमुक्त झाल्याने वाहन चालक सुसाट वेगात जात आहेत. वेग मर्यादा नियत्रंणात नसल्याने हा अपघात झाल्याचे विलवडे सरपंच प्रकाश दळवी यांनी सांगितले.
फोटो:-
विलवडे खांलेश्वर मंदिर जवळ अपघातगस्त झालेला ट्रँक्टर. (छायाचित्र- निलेश मोरजकर)
