गोविंद वाडकर: मंत्री दीपक केसरकर यांच्याकडे केली निवेदनद्वारे मागणी..
⚡सावंतवाडी ता.०५-: लाड आणि पागे समितीनुसार नगर परिषदेच्या सफाई कर्मचारी नेमणुकीवरील वशिला पद्धत कायम ठेवण्यात यावी व समितीच्या अहवालानुसार सेवा सवलत पूर्ववत लागू करावी अशी मागणी सावंतवाडी नगर परिषदेचे माजी उपनगराध्यक्ष गोविंद बाळा वाडकर यांनी राज्याचे शालेय शिक्षण व मराठी भाषा मंत्री दीपक केसरकर यांच्याकडे लेखी निवेदनाद्वारे केली आहे
याबाबतचे लेखी निवेदन त्यांनी आज नामदार केसरकर हे सावंतवाडीच्या दौऱ्यावर आले असता त्यांना सादर केले यावेळी अमरदीप कांबळे मोहन कांबळे मयूर कांबळे किरण कांबळे प्रवीण कांबळे किशोर जाधव मीनाक्षी पवार सतीश सांगेलकर नारायण आंबेडकर विजय कोटेकर शेखर महत्तर कमलेश आरोलकर आदी 30 जण उपस्थित होते
नामदार केसरकर यांना दिलेल्या लेखी निवेदनामध्ये असे नमूद करण्यात आले आहे की वारसा पद्धतीने सफाई कर्मचारी नियुक्ती करण्याचे आदेश रद्द केलेले आहेत ते नगरपालिका मुख्याधिकारी यांना देण्यात आलेले आहेत सदर आदेश अन्यायकारक आहेत ते पूर्ववत करण्याकरता या लेखी निवेदनाद्वारे विनंती करण्यात आली आहे आतापर्यंत कायमसफाई कर्मचाऱ्यांच्या नेमणूक या महाराष्ट्र नगरपरिषदा व नगरपंचायती व औद्योगिक अधिनियम 1965 चे कलम 76 (एक) नुसार नगर परिषदेच्या आस्थापनेवर पदनिर्मितीचे अधिकार तसेच कलम 76 (दोन ) नुसार नगरपरिषद आस्थापनेवरील पदांची अर्हता, वेतन, भत्ते व सेवेच्या शर्ती तसेच त्यांच्या सेवा प्रवेशाच्या पद्धती विहित करण्याबाबत आयुक्त तथा संचालनालय नगरपरिषद प्रशासन यांना आदेश प्रदान करण्यात आले आहेत त्याला वरील आदेशाने बाधा आलेली असून या कामी शहरातील नागरिकांचे आरोग्य नीट राखण्यासाठी व शहर स्वच्छ ठेवण्यासाठी योगदान देत असल्याचे लक्षात घेऊन हा आदेश केल्यास व आमच्या कुटुंबाला मिळणाऱ्या आरोग्याच्या सवलती बंद होऊन आम्ही बेघर होऊ शकतो आम्ही गेली चार पिढ्या पारंपारिक पद्धतीने नगरपरिषदेमध्ये केलेली स्वच्छतेची सेवा लक्षात घेता 24 ऑगस्ट 2023 रोजी पारित केलेले आदेश रद्द करून पूर्वीच्या लाड / पागे समितीच्या अहवालानुसार वशिला पद्धत कायम ठेवण्यास विनंती करत असल्याचे निवेदनामध्ये म्हटले आहे
