⚡मालवण ता.२८-: मालवण येथील स.का. पाटील सिंधुदुर्ग महाविद्यालयाच्या वतीने आयोजित पर्यटन साप्ताहच्या अंतर्गत दि. ३० सप्टेंबर रोजी सकाळी १० वा. महाविद्यालयात उद्योजक, व्यापारी, व्यावसायिक यांच्यासाठी “क्यू आर कोडचा वापर” या विषयावर प्रणित गांधी यांचे मार्गदर्शनपर व्याख्यान आयोजित करण्यात आले आहे.
आपल्याला केवळ पेमेंट करण्यासाठी QR code चा वापर माहीत असतो. त्या व्यतिरिक्त व्यवसाय वाढीसाठी, ग्राहक वर्गापर्यंत अधिकाधिक व्यवसाय पोचविण्यासाठी QR CODE चा वापर कसा करायचा, हे या कार्यशाळेत प्रात्यक्षिकासह सांगितले जाणार आहे. तरी मालवण मधील सर्व उद्योजक, व्यावसायिक यांनी या व्याख्यानाचा लाभ घ्यावा, असे आवाहन प्राचार्य डॉ. शिवराम ठाकूर यांनी केले आहे.
