इन्सुली भाजपने वेधले कार्यकारी अभियंत्यांचे लक्ष्य
बांदा/प्रतिनिधी
इन्सुली पागावाडी मार्गे चराठा रस्त्याचे अपूर्ण असलेले काम लवकरात लवकर पूर्ण करण्यासाठी इन्सुली भाजपाच्या वतीने सार्वजनिक बांधकाम खात्याच्या कार्यकारी अभियंता अनामिका चव्हाण – जाधव यांना निवेदन देण्यात आले.
यावेळी माजी शिक्षण व आरोग्य सभापती गुरुनाथ पेडणेकर, सरपंच गंगाराम वेंगुर्लेकर, उपसरपंच कृष्णा सावंत, भाजपचे तालुका उपाध्यक्ष उमेश पेडणेकर, जेष्ठ भाजप कार्यकर्ते अशोक सावंत, ग्रा प सदस्य महेश धुरी, नंदू नाईक, प्रविण मुळीक आदी उपस्थित होते. इन्सुली पागावाडी रस्त्याचे काम गेले वर्षभर ठेकेदाराने अपूर्ण ठेवल्याने या रस्याने ये-जा करणाऱ्या वाहन चालकांना तसेच पादचाऱ्यांना त्रास होत आहे. काम लवकर न केल्यास ग्रामस्थांच्या वतीने बांधकाम विभागासमोर उपोषणास बसण्याचा इशारा यावेळी भाजपच्या पदाधिकाऱ्यांनी दिला. यावेळी अभियंता चव्हाण यांनी दहा मार्च पर्यत संबधित ठेकेदारा कडुन काम पूर्ण करून देण्याचे आश्वासन उपस्थितांना दिले.
