*मत्स्य महोत्सवानिमित्त शालेय गटात चित्रकला स्पर्धेचे आयोजन

*आरोग्य सभापती तथा नगरसेवक सुधीर आडिवरेकर यांची माहिती*

सावंतवाडी-: सिंधू आत्मनिर्भर योजनेअंतर्गत सावंतवाडी येथे आयोजित करण्यात आलेल्या मत्स्य महोत्सवानिमित्त ५ वी ते १० वी या शालेय गटासाठी चित्रकला स्पर्धेचे आयोजन करण्यात आले असून, १३ फेब्रुवारी रोजी दुपारी ४:०० ते सायंकाळी ५:३० या वेळेत ही स्पर्धा होणार आहे. तसेच या स्पर्धेत विनामूल्य प्रवेश दिला जाणार असून, या स्पर्धेचा विषय ‘मासा किंवा शोभिवंत मासा ‘ हे असणार आहे. तसेच ही स्पर्धा सावंतवाडी येथील जनरल जगन्नाथ भोसले स्मृती उद्यान येथे होणार आहे. याबाबतची माहिती सावंतवाडी नगरपालिकेचे आरोग्य सभापती तथा नगरसेवक सुधीर आडिवरेकर यांनी दिली आहे.