⚡बांदा ता.२९-: धी नवभारत भारत शिक्षण प्रसारक मंडळ मुंबई आयोजित 14वे ‘नवा विद्यार्थी’ कुमार साहित्य संमेलनाचे आयोजन न्यू इंग्लिश स्कूल मडुरा येथे 31 डिसेंबर रोजी करण्यात आले आहे.
साहित्य संमेलनाचे उद्घाटन सार्वजनिक बांधकाम मंत्री तथा सिंधुदुर्ग जिल्हा पालकमंत्री रवींद्र चव्हाण यांच्या हस्ते होणार आहे. यावेळी विशेष अतिथी म्हणून माजी खासदार डॉ. निलेश राणे, तसेच गोवा विश्वविद्यालय कोंकणी भाषा विभाग प्रमुख तथा ज्येष्ठ साहित्यिक डॉ. हनुमंत चोपडेकर, संस्थेचे कार्याध्यक्ष डॉ. मिलिंद तोरसकर, माजी नगराध्यक्ष संजू परब, सिंधुदुर्ग जिल्हा परिषद माध्य. शिक्षणाधिकारी डॉ. मुश्ताक शेख, महिला व बालकल्याण माजी सभापती शर्वाणी गावकर, जि.प. माजी सदस्य श्वेता कोरगावकर, सावंतवाडी पं. स.माजी सभापती निकिता सावंत, पं. स. माजी सदस्य श्रुतिका बागकर, मडुरा सरपंच साक्षी तोरसकर, भारतीय सैन्य दलाचे कॅप्टन शंकर भाईप, मडुरा पंचक्रोशी विकास समिती मुंबई अध्यक्ष भिकाजी वालावलकर, सचिव तुकाराम शेटकर आदी उपस्थित राहणार आहेत.
सकाळी 8.30 ते 10 वाजता मडुरा तीठा ते इंग्लिश स्कूल मडुरा पर्यंत ग्रंथ दिंडी शोभायात्रा, सकाळी 10 ते 12 उद्घाटन सोहळा, दुपारी 12 ते 1 वा. कथाकथन होणार असून ज्येष्ठ साहित्यिका वृंदा कांबळे मार्गदर्शन करणार आहेत. दुपारी 2.30 ते 4 वाजेपर्यंत कवी संमेलन होणार असून ज्येष्ठ कवयित्री चारुता प्रभुदेसाई मार्गदर्शन करतील. सायंकाळी 4 ते 5 वाजता समारोप समारंभ होणार आहे. तरी सर्वांनी या कार्यक्रमास उपस्थित राहावे असे आवाहन प्रभारी मुख्याध्यापक सुहास वराडकर यांनी केले आहे.
