देवगड-प्रतिनिधी
देवगड तालुक्यात चित्ररथाद्वारे हर घर तिरंगा बाबत यशस्वीपणे प्रचार प्रसिद्धी केल्याबद्दल तसेच पाणी व स्वच्छता विभागात उल्लेखनिय कामगिरी केल्याबद्दल जिल्हा परिषद बांधकाम विभागाचे उप अभियंता नरेंद्र महाले यांच्या हस्ते पाणी व स्वच्छता विभागाचे विनायक धुरी यांना सन्मानचिन्ह देऊन गौरवण्यात आला.
यावेळी व्यासपिठावर गटविकास अधिकारी अरूण चव्हाण , नायब तहसिलदार श्रीकृष्ण ठाकुर , पोलीस निरीक्षक निळ्कंठ बगळे, उपनिरीक्षक दशरथ चव्हाण , देवगड पत्रकार संघाचे अध्यक्ष अयोद्धा प्रसाद गांवकर , माजी सभापती सुनिल पारकर, माजी पंचायत समिती सदस्य अपूर्वा तावडे , आदी मान्यवर उपस्थित होते .
सिंधुदूर्ग जिल्हात लक्षवेदी ठरलेला चित्ररथाद्वारे देवगड तालुक्यात यशस्वी प्रचार प्रसिद्धी केल्याबद्दल पंचायत समिती देवगड द्वारे विनायक धुरी यांचा सन्मान करण्यात आला ९ ऑगस्ट ते १३ ऑगस्ट या कालावधीत हर घर तिरंगाबाबत प्रचार प्रसिद्धी करण्यात आली. गटविकास अधिकारी अरूण चव्हाण यांच्या मार्गदर्शनाखाली या चित्ररथाची निर्मिती करण्यात आली होती . तर सडा शाळेचे शिक्षक सचिन जाधव यांच्या कल्पकतेतुन या रथाची मांडणी करुन या चित्ररथाला मोलाचे सहकार्य कक्ष अधिकारी संतोष बिर्जे यांनी केले.
फोटो- पाणी व स्वच्छता विभागाचे विनायक धुरी यांचा सन्मानचिन्ह देवून गौरव करताना जिल्हा परिषद बांधकाम विभागाचे उप अभियंता नरेंद्र महाले आदी.
हर घर तिरंगा या उपक्रमाचा यशस्वी प्रचार केल्याने विनायक धुरी यांचा करण्यात आला गौरव…
