कार्यकर्त्यांनी साधला सावंतवाडीत संवाद : मनमोकळेपणाने मारल्या गप्पा
*सावंतवाडी ता.२८ प्रसन्न गोंदावळे-:* माजी राज्यमंत्री तथा भाजपा आमदार रवींद्र चव्हाण सध्या सिंधुदुर्ग जिल्हा दौऱ्यावर असून ते आज सावंतवाडी येथे आले असता त्यांनी एका हॉटेलमध्ये आपल्या कार्यकर्त्यांसोबत चहाचा आस्वाद घेतला. यावेळी त्यांच्यासोबत सावंतवाडीचे माजी नगराध्यक्ष संजू परब उपस्थित होते.
दरम्यान, हॉटेलमध्ये झालेल्या बैठकीत सावंतवाडी विधानसभा मतदार संघातील सर्व पदाधिकारी व कार्यकर्त्यांची त्यांनी आपुलकीने चौकशी केली. केवळ राजकारणा पुरते सावंतवाडीत न येता अशा प्रकारे कार्यकर्त्यांची विशेष भेट घेतल्याने आमदार रवींद्र चव्हाण यांच्याबद्दल पक्षातील कार्यकर्त्यांचा जिव्हाळा वाढल्याचे दिसून येत आहे.
यावेळी माजी नगरसेवक मनोज नाईक,बंटी पुरोहित,बंटी जामदार, ज्ञानेश्वर पाटकर सत्यवान बांदेकर, मंदार पिळणकर दिलीप भालेकर, आदी उपस्थित होते
