पोलीस अधीक्षक दाभाडे यांची माहिती
ओरोस ता.३१-:* जिल्ह्यात झालेल्या झुंज प्रकरणाची आम्ही गंभीर दखल घेतली आहे. या झुंजीमुळे एका बैलाचा जीव गेला आहे. त्यामुळे कायद्यात असलेल्या तरतुदीनुसार संबंधित व्यक्तीवर कारवाई करण्यात येणार आहे. याप्रकरणी कणकवली डीवायएसपी व मालवण पोलीस अधिकारी यांनी झुंज झालेल्या ठिकाणी भेट देऊन पाहणी केली आहे. मालवण पोलीस ठाण्यात गुन्हा दाखल करण्याचे काम सुरू आहे, अशी माहिती जिल्हा पोलीस अधीक्षक राजेंद्र दाभाडे यांनी दिली.
