*⚡कणकवली ता.१४-:* प्रधानमंत्री आवास योजना ग्रामीण अंतर्गत जिल्हा ग्रामीण विकास यंत्रणा व कणकवली पंचायत समितीच्या डेमो हाऊस या नूतन इमारतीचा शुभारंभ १५ ऑगस्ट रोजी सकाळी १० वा. होणार आहे. पं. स. च्या येथील प. पू. भालचंद्र महाराज सभागृहात आम.नितेश राणे यांच्या हस्ते हा शुभारंभ होणार आहे. यावेळी प्रधानमंत्री आवास योजना ग्रामीण व राज्य पुरस्कृत रमाई आवास योजनेंतर्गत काम केलेल्या उत्कृष्ट क्लस्टर, सर्वोत्कृष्ट ग्रामपंचायत, सर्वोत्कृष्ट घरकूल आलेल्या संस्थांचा व लाभार्थ्यांचा पारितोषिक वितरण समारंभही होणार आहे. जि. प. अध्यक्षा संजना सावंत, जि. प. मुख्य कार्यकारी अधिकारी प्रजीत नायर, सभापती मनोज रावराणे, उपसभापती प्रकाश पारकर, जि. प. सदस्य संजय देसाई, जिल्हा संचालक राजेंद्र पराडकर आदी उपस्थित राहणार आहेत. उपस्थित राहण्याचे आवाहन गटविकास अधिकारी अरुण चव्हाण यांनी केले आहे.
कणकवली पं. स. मधील ‘डेमो हाऊस’चा उद्या शुभारंभ
