*💫मालवण दि.११-:* राष्ट्रवादी काँग्रेसचे अध्यक्ष शरद पवार यांच्या वाढदिवसानिमित्त शरद भवन ट्रस्टच्या वतीने आणि मुळदे कृषी संशोधन केंद्र कुडाळ यांच्या सहकार्याने उद्या दि. १२ डिसेंबर रोजी सकाळी ९ वाजता मुळदे कृषी संशोधन केंद्र येथे जिल्ह्यातील युवकांसाठी शोभिवंत मत्स्य पालन व्यवस्थापन एक दिवसीय कार्यशाळा आयोजित करण्यात आली आहे. कोरोना नंतरचे कृषी व कृषी संलग्न व्यवसायातील संधी म्हणून ही कार्यशाळा युवकांना महत्वाची ठरणार आहे. या कार्यशाळेचे उद्घाटन जिल्हा बँकेचे अध्यक्ष सतीश सावंत यांच्याहस्ते व माजी राज्यमंत्री प्रवीण भोसले यांच्या प्रमुख उपस्थितीत होणार आहे, अशी माहिती शरद भवन ट्रस्ट चे विश्वस्त व्हिक्टर डान्टस यांनी दिली आहे.
राष्ट्रवादी काँग्रेस अध्यक्ष शरद पवार यांच्या वाढदिवसानिमित्त मालवण येथे मत्स्य पालन व्यवस्थापन कार्यशाळेचे आयोजन
