⚡वैभववाडी ता.०६-: मराठी साहित्यविश्वातील ज्येष्ठ कवी, कामगारांचे जीवन, कष्टकऱ्यांच्या वेदना आणि सामान्य माणसाच्या संघर्षाला आपल्या कवितेतून प्रभावीपणे मांडणारे वैभववाडी तालुक्याचे सुपुत्र,कवी पद्मश्री नारायण सुर्वे यांच्या जन्मशताब्दीनिमित्त आनंदीबाई रावराणे कला, वाणिज्य व विज्ञान महाविद्यालयाच्या वतीने काव्यवाचन कार्यक्रमाचे आयोजन करण्यात आले आहे.तरी आपण या साहित्यिक कार्यक्रमास आवर्जून उपस्थित राहावे. तसेच आपल्या शाळेतील विद्यार्थ्यांना व शिक्षकांना या कार्यक्रमात सहभागी होण्यासाठी प्रोत्साहित करावे असे आवाहन महाविद्यालय स्थानिक समिती चे सचिव प्रमोद रावराणे यांनी केले आहे.
मराठी काव्यपरंपरेतील नारायण सुर्वे यांचे योगदान नव्या पिढीपर्यंत पोहोचावे, विद्यार्थ्यांमध्ये काव्यवाचनाची आवड निर्माण व्हावी आणि साहित्याविषयी अभिरुची विकसित व्हावी, हा या कार्यक्रमाच्या आयोजनामागील प्रमुख उद्देश आहे.
कवी नारायण सुर्वे जन्मशताब्दी निमित्ताने गुरुवार, दिनांक 15 ऑक्टोबर 2026 सकाळी 11:30 ते दुपारी 12:30 यावेळेत आनंदीबाई रावराणे कला, वाणिज्य व विज्ञान महाविद्यालय, वैभववाडी.येथे काव्य वाचनाचा कार्यक्रम होत असून प्राथमिक, माध्यमिक शाळेचे मुख्याध्यापक, शिक्षक विद्यार्थी यांनी मोठ्या संख्येने साहित्यिक उपक्रमास आवर्जून उपस्थित राहावे. तसेच आपल्या शाळेतील विद्यार्थ्यांना व शिक्षकांना या कार्यक्रमात सहभागी होण्यासाठी प्रोत्साहित करावे असे आवाहन प्रमोद रावराणे यांनी केले आहे
