⚡सावंतवाडी ता. २९-:
येथील लाखेवस्ती समाजाच्या वतीने शिंदे शिवसेनेचे नवनिर्वाचित नगरसेवक बाबू कुडतुरकर व संजू परब यांचा आज जाहीर सत्कार करण्यात आला. या सत्कारप्रसंगी समाजाच्या विविध प्रलंबित मागण्या मांडण्यात आल्या असून त्या प्राधान्याने सोडवाव्यात, अशी अपेक्षा समाजबांधवांनी व्यक्त केली.
यावेळी नगरसेवक बाबू कुडतुरकर व संजू परब यांनी समाजाला आश्वस्त करत सांगितले की, लाखेवस्ती समाजाला दिलेले सर्व शब्द आमदार दीपक केसरकर व आमदार निलेश राणे यांच्या माध्यमातून पूर्ण करण्यात येतील. समाजाच्या विकासासाठी आवश्यक त्या सर्व बाबींसाठी आपण कटिबद्ध असून नागरिकांच्या समस्या सोडविण्यास प्राधान्य दिले जाईल, असा विश्वास त्यांनी व्यक्त केला.
