*💫मालवण दि.२९-:* मालवण शहरातील वायरी मारुती मंदिर नजीक राहणाऱ्या मंदार चंद्रशेखर चव्हाण (वय-३०) या तरुणाने दारूच्या नशेत राहत्या घरी गळफास घेत आत्महत्या केली. ही घटना आज रविवारी सकाळी साडे आठ वाजण्याच्या सुमारास घडली. मात्र त्याच्या आत्महत्येचे कारण अद्याप स्पष्ट झालेले नाही. या घटनेची माहिती मिळताच मालवणचे पोलिस उपनिरीक्षक सचिन पाटील, पी. जी. मोरे, सिद्धेश चिपकर यांनी घटनास्थळी भेट देत पाहणी केली. मंदार याचा मृतदेह शवविच्छेदन करण्यासाठी ग्रामीण रुग्णालयात नेण्यात आला आहे. मंदार हा आपल्या भावासमवेत राहत होता तर त्याचे आई, वडील मुंबई येथे वास्तव्यास असून त्यांना घटनेची माहिती देण्यात आली आहे. आत्महत्येचे कारण समजू शकलेले नाही. दरम्यान, मंदार हा घरात दारू पिऊन धिंगाणा घालत असल्याबाबतची तक्रार त्याचे काका केशव चव्हाण यांनी काल रात्री मालवण पोलीस स्थानकात दिली होती. याबाबत पोलीस अधिक तपास करत आहेत.
वायरी येथील तरुणाची आत्महत्या
