मालवण (प्रतिनिधी)
क्रीडा व युवक कल्याण संचालनालय पुणे आणि जिल्हा क्रीडा अधिकारी कार्यालय सिंधुदुर्ग तसेच मालवण तालुका क्रीडा समिती यांच्यावतीने दरवर्षी घेण्यात येणाऱ्या सन २०२४ – २५ या शैक्षणिक वर्षातील मालवण तालुकास्तरीय शालेय कबड्डी स्पर्धेचे आयोजन दि. २२, २३ व २४ ऑगस्ट या कालावधीत मालवण तालुका उत्तर विभाग शिक्षण सहाय्यक समिती संचालित ओझर विद्यामंदिर, कांदळगावच्या पटांगणावर करण्यात आले आहे.
यामध्ये दि. २२ ऑगस्ट रोजी सकाळी ९ वा.पासून १४ वर्षे मुले मुली, दि. २३ रोजी सकाळी ९ वा. पासून १७ वर्षे मुले मुली व दि. ३० ऑगस्ट रोजी सकाळी ९ वा. पासून १९ वर्षे मुले मुली असे सामने होणार आहेत. तरी या स्पर्धेस सर्वांनी उपस्थित राहावे, असे आवाहन शाळेचे मुख्याध्यापक श्री. डी. डी. जाधव यांनी केले आहे.
