⚡कणकवली ता.१७-: मुंबई-गोवा महामार्गावरून चालणाऱ्या पदचाऱ्याला अज्ञात वाहनाने जोरदार धडक दिली. या धडकेत पादचाऱ्याचा जागीच मृत्यू झाला. हा अपघात मुंबई-गोवा महामार्गावरील जानवली शाळेसमोर शुक्रवारी सकाळी घडला. अपघातानंतर वाहनचालकाने धूम ठोकली. वाहनाची धडक एवढी भंयकर होती त्या वाहनाच्या पुढील बाजूचा बंपर तुटून पडला. अपघातातील मृत व्यक्तीची ओळख पटलेली नाही. ज्या वाहनाने पादचऱ्याला धडक दिली ती कार प्रवाशांची वाहतूक करणारी पिवळी नंबर प्लेट असलेली आहे. सदर कार ही गोव्याच्या दिशेने भरधाव वेगाने गेलेली आहे, असे प्रत्यक्षदर्शींनी सांगितले. अपघाताची माहिती मिळताच पोलिसांनी घटनास्थळी धाव घेतली.
अज्ञात वाहनाच्या धडकेत पादचारी ठार…
