काँग्रेसच्या बाळू अंधारी यांनी मुख्याधिकारी यांचे वेधले लक्ष
⚡मालवण ता.०९-:
मालवण शहरातील अनेक मार्गांवरील स्ट्रीट लाईट बंद स्थितीत असून काही मार्गांवर दिवसा स्ट्रीट लाईट चालू आणि रात्री बंद अशीही स्थिती आहे.
मालवणची ओळख पर्यटन केंद्र म्हणून आहे. याचा विचार करता तसेच आगामी सण उत्सव, सर्वच मार्गांवर वाढणारी गर्दी या सर्वांचा विचार करता मालवण शहरातील बंद स्थितीतील सर्व स्ट्रीट लाईट सुरळीत सुरु कराव्यात अशा आशयाचे निवेदन
काँग्रेस ओबीसी विभाग जिल्हाध्यक्ष महेश उर्फ बाळू अंधारी यांनी मालवण नगरपालिकेचे मुख्याधिकारी संतोष जिरगे यांच्याकडे दिले
मालवण शहरात अनेक राडत्यावरील स्ट्रीट लाईट बंद अवस्थेत असून मालवण शहर मुख्य रहदारी मार्गांवर रात्री पाहणी सर्व्हे केला असता अनेक स्ट्रीट लाईट बंद स्थितीत दिसून आल्या या सर्वांचे वीज खांब नंबर काँग्रेस ओबीसी विभाग जिल्हाध्यक्ष महेश (बाळू) अंधारी यांनी निवेदन माध्यमातून मालवण नगरपालिका मुख्याधिकारी यांना सादर करीत तात्काळ कार्यवाहीची मागणी केली आहे. दरम्यान हायमास्ट व स्ट्रीट लाईट दुरुस्ती कामे सुरु आहेत. बंद स्ट्रीट लाईट लवकरात लवकर सुरु केल्या जातील असे प्रशासनाच्या वतीने सांगण्यात आले.
यावेळी लायन्स क्लब मालवण अध्यक्ष तथा शिवसेना उपजिल्हाप्रमुख विश्वास गावकर, सरदार ताजर, गणेश पाडगावकर उपस्थित होते.
