⚡मालवण ता.०९-: आचरा पिरावाडी येथील हेमलता उध्दव कुबल यांच्या घराशेजारी असलेल्या कुंपणाला लावलेल्या मच्छिमारी जाळ्यात सहा फूट लांबीचा अजगर अडकल्यानंतर
सर्पमित्र स्वप्निल गोसावी यांनी धाव घेऊन त्याला सुखरूप बाहेर काढले व त्यांच्यावर उपचार करून अधिवासात सोडून जीवदान दिले.
पक्ष्यांपासून बचाव करण्यासाठी झाडाचे नुकसान होऊ नये म्हणून
आचरा पिरावाडी येथील हेमलता उध्दव कुबल यांच्या घराशेजारी असलेल्या कुंपणाला मच्छिमारी जाळे लावण्यात आले होते या जाळ्यात काल सहा फूट लांब अजगर अडकल्याचे प्रत्यक्षदर्शी सौ. आदिती खामकर – कुबल यांनी पाहिल्यावर त्यांचे दीर संतोष शांताराम कुबल यांना सांगितले. त्यांनी पाहताच अजगर काही हालचाल करतं नसल्याने तो मरणासन्न असावा म्हणून जाळे कापण्यास सुरूवात केली असता अचानक अजगराने अंग झटकले. आणि उपस्थितांची तारांबळ उडाली. दरम्यान नजिक असलेले सर्पमित्र स्वप्निल गोसावी यांनी धाव घेऊन त्याला सुखरूप बाहेर काढले. त्यांच्यावर उपचार करून अधिवासात सोडून जीवदान दिले.
