कराड येथील हुतात्मा अपंग बहुउद्देशीय विकास कल्याणकारी संस्थेने केला सत्कार
सिंधुदूर्गनगरी ता २७
हुतात्मा अपंग बहुउद्देशीय विकास कल्याणकारी संस्था, कराड यांच्यावतीने सोमवारी ओरोस रवळनाथ मंदिर येथे राजश्री शाहू महाराज जयंतीचे औचित्य साधून मुळदे उद्यानविद्या महाविद्यालय चे सहयोगी अधिष्ठाता डॉ. प्रदीप हळदवणेकर यांना
“राज्यस्तरीय सिंधुदुर्ग गौरव पुरस्कार” ने सन्मानित करण्यात आले आहे. याबद्दल सर्व स्तरातून डॉ. हळदवणेकर यांचे कौतुक होत आहे.
डॉ.बाळासाहेब सावंत कोकण कृषी विद्यापीठ दापोली मध्ये ३४ वर्षाच्या प्रदीर्घ सेवेबद्दल तसेच सन २०१६ ते २०१८ या कालावधीत डॉ.प्रदीप हळदवणेकर यांनी प्रादेशिक फळ संशोधन केंद्र वेंगुर्ला येथे सहयोगी संशोधन संचालक म्हणून तसेच २०१८ ते आजतागायत उद्यानविद्या महाविद्यालय मुळदे येथे सहयोगी अधिष्ठाता या पदावर उत्कृष्ट कार्य केल्याबद्दल त्याना सन्मानचिन्ह व सन्मानपत्र देऊन सन्मानित करण्यात आले.
एकमेका देऊ आधार, आपणच आपला करू उद्धार” या उद्देशाने कार्य करत असलेल्या हुतात्मा अपंग बहुउद्देशीय विकास कल्याणकारी संस्था कराड ,संस्थेचे अध्यक्ष डॉ. सुनील फडतरे हे अंध असून देखील समाजातील अंध,अपंग व गरजू लोकांसाठी समाजसेवेचे काम करत आहे. अशा संस्थेकडून सामाजिक सांस्कृतिक आणि शैक्षणिक क्षेत्रात उत्कृष्ट काम करणाऱ्या व्यक्तींच्या कामाचे कौतुक व्हावे आणि त्यांच्या हातून समाजासाठी भविष्यात देखील सकारात्मक काम व्हावे या उद्देशाने या पुरस्कारांचे वितरण करण्यात आले.
