⚡कुडाळ ता.०७-: तेर्सेबांबर्डे गावडेवाडी येथील श्री देव पाटेश्वर लिंगेश्वर मंदिर येथे श्री ग्रंथराज ज्ञानेश्वरी सामुदायीक पारायण बुधवार दि.८ ते सोमवार दि.१३ फेब्रुवारी या कालावधीत आयोजित करण्यात आले आहे.
८ फेब्रुवारी रोजी द्विप प्रज्वलन,विणा पुजन व मुर्ती पुजन करून या पारायणाला सुरवात करण्यात येणार आहे.याअंतर्गत रोज पहाटे ४ ते ६ वा.काकड आरती , ८ ते १२ वा. सामुदायिक ज्ञानेश्वरी वाचन, दुपारी १२.३० ते १.३० वा. महाप्रसाद, दुपारी २.३० ते ४ वा. नाटाचे भजन,४ ते ५ वा. प्रवचन,५.३० ते ६.३० वा.हरिपाठ, ७ ते ९ वा. किर्तन, रात्री ९.३० वा. महाप्रसाद आदी कार्यक्रम नियमितपणे होणार आहेत. बुधवार दि.८ फेब्रुवारी रोजी ह.भ.प.महादेव पाटील महाराज यांचे प्रवचन, ह.भ.प. विश्वनाथ महाराज कणकवली यांचे किर्तन, गुरूवार दि. ९ फेब्रुवारी रोजी ह.भ.प.बाळासाहेब पाटील महाराज पुंगाव राधानगरी यांचे प्रवचन व किर्तन, शुक्रवार दि १० फेब्रुवारी रोजी ह.भ.प.नवनाथ रोंगे महाराज चांदे राधानगरी यांचे प्रवचन व कीर्तन, शनिवार दि ११ फेब्रुवारी रोजी ह.भ.प. केशव जाधव महाराज पिशवी कोल्हापूर यांचे प्रवचन व कीर्तन, रविवार दि.१२ फेब्रुवारी रोजी ह.भ.प. डॉ.रविंद्र तावडे महाराज मुंबई यांचे प्रवचन व कीर्तन, सोमवार दि. १३ फेब्रुवारी ह.भ.प. आनंद जाधव महाराज करमळा कोल्हापूर यांचे प्रवचन व कीर्तन आदींची प्रवचने व कीर्तने होणार आहेत.मंगळवार दि. १४ फेब्रुवारी रोजी सकाळी ८ ते ९ वा. ज्ञानेश्वरी वाचन, सकाळी १० ते १२ वा.ह.भ.प. आनंद जाधव महाराज यांचे काल्याचे किर्तन व महाप्रसाद होणार आहे. या पारायणामध्ये व्यासपिठ चालक हे.भ.प.नामदेव पाटील महाराज मतिवडे बेळगांव हे असणार आहेत. तरी या कार्यक्रमांचा लाभ सर्वांनी मोठ्या संख्येने घ्यावा असे आवाहन आयोजकांच्या वतीने करण्यात आले आहे.
