⚡वेंगुर्ला ता.३१-: मठ-टाकयेवाडी येथील संत लालाजी भक्त मंडळातर्फे दि. २ व ३ नोव्हेंबर रोजी दीपावली शो टाईमचे आयोजन केले आहे.
दि. २ रोजी सायंकाळी ६ वाजता पहिली ते सातवी या लहान गटामध्ये जिल्हास्तरीय रेकॉर्ड डान्स स्पर्धा होणार असून यातील प्रथम तीन क्रमांक विजेत्यांना अनुक्रमे १०००, ७००, ५०० व उत्तेजनार्थ ३०० रुपयांचे रोख बक्षिस व प्रमाणपत्र तर जिल्हास्तरीय रेकॉर्ड डान्स स्पर्धा मोठ्या गटातील (१३ वर्षावरील) प्रथम तीन विजेत्यांना अनुक्रमे १५००, १०००, ७०० व उत्तेजनार्थ ५०० अशी रोख बक्षिसे व प्रमाणपत्र देण्यात येणार आहे. तर यानंतर पहिली ते सातवी या लहान गटासाठी होणा-या तालुकास्तरीय रेकॉर्ड डान्स स्पर्धेतील प्रथम तीन विजेत्यांना अनुक्रमे ५००, ३००, २०० व उत्तेजनार्थ १०० अशी रोख बक्षिसे व प्रमाणपत्र देण्यात येणार आहेत. या स्पर्धेचे उद्घाटन २ नोव्हेंबर रोजी सायंकाळी ६ वाजता मठ सरपंच तुळशीदास ठाकूर यांच्या हस्त होणार आहे. तर स्पर्धेचे बक्षिस वितरण ३ नोव्हेंबर रोजी सायंकाळी ६ वाजता शालेय शिक्षणमंत्री दीपक केसरकर यांच्या हस्ते होणार आहे. त्यानंतर दत्त माऊली दशावतार नाट्य मंडळाचा पौराणिक दशावतारी नाट्यप्रयोग होणार आहे. अधिक माहितीसाठी के.जी.गावडे (९४०३३६९५३६) यांच्याशी संफ साधावा.
