मालवण ता.२७-:* देवली वाघवणे येथील श्री देवी सातेरी मंदिरात श्री देवी सातेरी प्रासादिक भजन आणि नाट्यमंडळ नवागर व्हाळ तसेच श्री सातेरी विकास मंडळ मुंबई यांच्या वतीने अक्षय्य तृतीया सोहळा दि. ३ मे रोजी साजरा होणार आहे.
यानिमित्त सकाळी ७ वा. गणेश पूजा व देवीला अभिषेक, सकाळी ९ वा. होम हवन, दुपारी १२ वा. महाप्रसाद, सायंकाळी ४.३० श्री सत्यनारायण महापूजा, आरती व तिर्थप्रसाद तसेच रात्री १० वाजता देवेंद्र नाईक प्रस्तुत चेंदवणकर दशावतार नाट्यमंडळाचा ट्रिकसीन युक्त नाट्यप्रयोग ‘स्मशान योगी महाकाल’ सादर होणार आहे. तरी भाविकांनी लाभ घ्यावा, असे आवाहन करण्यात आले आहे.
