⚡कणकवली ता.२५-: शिवडाव ओटोसवाडी येथील श्री देव भूतनाथ यांचा अखंड हरिनाम सप्ताह २७ व २८ फेब्रुवारी रोजी मांडकार देवालय येथे आयोजित करण्यात आला आहे.यानिमित विविध धार्मिक तसेच सांस्कृतिक कार्यक्रम होणार आहेत. २७ फेब्रुवारी रोजी सकाळी ९ वाजता घटस्थापना केली जाणार आहे. त्यानंतर अखंड नामस्मरण तसेच सुस्वर भजने होणार आहेत. २८फेब्रुवारी रोजी दुपारी १२ वाजता हरिनाम सप्ताहाची सांगता होईल. नवस बोलणे,फेडणे ,तीर्थप्रसाद या कार्यक्रमानंतर रात्री ८ वाजता भाविकांना महाप्रसाद वाटप करण्यात येईल. भाविकांनी या कार्यक्रमांचा लाभ घ्यावा असे आवाहन शिवडाव, ओटोसवाडी भूतनाथ बालगोपाळ मंडळाच्यावतीने करण्यात आले आहे.
शिवडाव ओटोसवाडी येथील श्री देव भूतनाथाचा २७ पासून अखंड हरिनाम सप्ताह…
