⚡सावंतवाडी ता.२०-:
सावंतवाडी नगरपालिकेच्या सार्वत्रिक निवडणुकीचा निकाल उद्या जाहीर होणार असून, त्या पार्श्वभूमीवर प्रशासन व पोलिस यंत्रणेकडून जोरदार तयारी करण्यात आली आहे. आज सावंतवाडीचे पोलीस निरीक्षक अमोल चव्हाण यांनी मतमोजणी केंद्राच्या ठिकाणाची सविस्तर पाहणी करून परिस्थितीचा आढावा घेतला. यावेळी त्यांनी संबंधितांना आवश्यक त्या सूचना दिल्या.
दरम्यान, उद्या निकाल जाहीर होणार असल्याने शहरात कडेकोट पोलीस बंदोबस्त तैनात करण्यात आला आहे. कोणताही अनुचित प्रकार घडू नये, कायदा व सुव्यवस्था अबाधित राहावी यासाठी पोलिसांचे विशेष लक्ष असणार आहे. मतमोजणी प्रक्रिया शांततेत व सुरक्षिततेत पार पडावी यासाठी प्रशासन सज्ज असल्याची माहिती देण्यात आली आहे.
