प्रभाकर सावंत:पंतप्रधान नरेंद्र मोदी आणि राष्ट्र पिता महात्मा गांधी यांच्या वाढदिवसानिमित्त आयोजन..
⚡ओरोस ता ८-: राष्ट्रपिता महात्मा गांधी आणि पंतप्रधान नरेंद्र मोदी यांच्या वाढदिवसानिमित्त सेवा पंधरावड्याचे आयोजन देशभरात करण्यात येत आहे. भाजप सिंधुदुर्गकडून ‘सेवा पंधरावड्याचे आयोजन’ १७ सप्टेंबर ते २ ऑक्टोबर या कालावधीत करण्यात आले आहे, अशी माहिती भाजप जिल्हाध्यक्ष प्रभाकर सावंत यांनी दिली.
याबाबत आयोजित पत्रकार परिषदेत श्री सावंत बोलत होते. यावेळी अभियान संयोजक प्रसन्न देसाई, सह संयोजक प्राची इस्वलकर उपस्थित होते. पुढे बोलताना श्री सावंत यांनी, पंतप्रधान नरेंद्र मोदी आणि राष्ट्र पिता महात्मा गांधी यांच्या वाढदिवसानिमित्त सेवा पंधरावड्याचे आयोजन देशभरात करण्यात येत आहे. सिंधुदुर्ग जिल्ह्यात भारतीय जनता पार्टी ‘सेवा परमोधर्म!’ या पंतप्रधान नरेंद्र मोदी याच्या विचारांना पुढे नेत काही सेवाभावी उपक्रम साजरे करत आहेत.
स्वच्छता अभियान, वृक्षारोपण, रक्तदान शिबिर, दिव्यांगाचा सन्मान, विकसित भारत चित्रकला स्पर्धा, पंतप्रधान नरेंद्र मोदी यांच्या जिवनावर प्रदर्शनी, प्रबुद्ध संमेलन, २५ सप्टेंबर रोजी दिन दयाळ जयंती आणि २ ऑक्टोंबर रोजी महात्मा गांधी जयंती अशा पद्धतीने सेवाभावी अशा सामाजिक उपक्रमांद्वारे खा नारायण राणे, पालकमंत्री नितेश राणे यांच्या मार्गदर्शनात साजरा करण्यात येणार आहे. तसेच भाजप किसान मोर्चा यांच्याकडून यानिमित्त एक पेड माँ के नाम हा उपक्रम राबविला जाणार आहे, असेही सावंत यांनी सांगितले.
“एक पेड मा के नाम”
यानिमित्त भाजपा पदाधिकाऱ्यांसाठी गुरूवार ११ सप्टेंबर रोजी सकाळी १०.३० वा जिल्हा कार्यशाळेचे आयोजन करण्यात आलेले आहे. सिंधुदुर्ग जिल्ह्यातील सर्वच्या सर्व १४ मंडळांमध्ये सेवा पंधरवड्याचे आयोजन करण्यात येणार आहे. पंतप्रधान मोदी यांच्या नेतृत्वात विश्वगुरू निर्माण होणारा सेवाभावी आत्मनिर्भर भारत आणि राष्ट्रपिता महात्मा गांधी यांच्याच स्वदेशी मूल्यांवर ठाम राहिलेला भारत आज अमेरिकेलाही टक्कर देऊ पाहतोय. या पार्श्वभूमीवर सिंधुदुर्ग जिल्ह्यात वरील सेवाभावी उपक्रमांचे आयोजन करण्यात येत आहे या कार्यक्रमाचे जिल्हा संयोजक प्रसन्ना उर्फ बाळू देसाई यांच्या नेतृत्वात सर्व सेवाभावी कार्यक्रम होतील. सह संयोजक म्हणून विजय केनवडेकर, प्राची इस्वलकर, आणि सोशल मीडिया प्रतिनिधी म्हणून श्रीकृष्ण परब यांची निवड करण्यात आली आहे, असे श्री सावंत यांनी सांगितले.
चौकट
या अभियान दरम्यान जिल्ह्याचे सुपुत्र भाजपा प्रदेशाध्यक्ष रवींद्र चव्हाण यांचा २० सप्टेंबर रोजी येणारा वाढदिवस सुद्धा विविध सेवा उपक्रमांनी साजरा केला जाणार आहे. त्यांना अपेक्षित असे उपक्रम राबविले जाणार आहेत, असे श्री सावंत यांनी सांगितले.
फोटो ओळ:- सिंधुदुर्गनगरी:
