⚡वेंगुर्ला ता.२७-: संत गाडगेबाबा ग्रामस्वच्छता अभियान अंतर्गत कोकण विभागीय स्पर्धेत सलग दोन वर्ष पुरस्कार प्राप्त करणा-या वेंगुर्ला तालुक्यातील ग्रामपंचायत परूळेबाजारचा ‘कोकण विभागीय पुरस्कार‘ १२ ऑगस्ट २०२५ रोजी कोकण विभागाच्या पनवेल येथील कार्यक्रमात वितरण करण्यात येणार आहे.
कोकण विभागीय कार्यालयाकडून हा कार्यक्रम आयोजित करण्यात आला आहे. परूळेबाजार ग्रामपंचायतीने राष्ट्रसंत तुकडोजी महाराज स्वच्छ ग्राम स्पर्धेत द्वितीय क्रमांक, सन २०१९/२० व २०२०/२१ आणि २०२१/२२ अशी सलग दोन वर्ष यश मिळवले आहे. पुरस्कार वितरण कार्यक्रम विभागीय आयुक्त कोकण विभाग यांच्या अध्यक्षतेखाली मान्यवरांच्या उपस्थितीत होणार आहे. यावेळी गटविकास अधिकार, ग्रामपंचायत अधिकारी, विद्यमान सरपंच, उपसरपंच, सदस्य, तत्कालीन सरपंच, उपसरपंच यांनी उपस्थित राहण्याचे आवाहन आयोजकांतर्फे करण्यात आले आहे.
फोटो – परूळे ग्रामपंचायत
परुळेबाजार ग्रामपंचायतीचा १२ ऑगस्टला कोकण विभागीय पुरस्काराने होणार गौरव….
