पूनम चव्हाण व मनोज मोंडकर यांनी यात्रेकरूंसाठी पुरवली मोफत बस सेवा…

⚡मालवण ता.२३-:
ठाकरे शिवसेनेचे कार्यकर्ते मनोज मोंडकर व मालवण तालुका महिला संघटक पूनम चव्हाण यांच्या सहकार्यातून मालवण शहरातील प्रभाग ९ मधून आंगणेवाडी यात्रेस जाणाऱ्या भाविकांसाठी मोफत बस सेवा उपलब्ध करण्यात आली. या सेवेचा प्रभागातील अनेक भाविकांनी लाभ घेतला.

मनोज मोंडकर व पूनम चव्हाण यांच्या तर्फे सलग पाच वर्षे आंगणेवाडी यात्रेकरूंसाठी मोफत बस सेवा पुरविण्यात येत आहे. शिवसैनिक यशवंत गांवकर यांच्या हस्ते श्रीफळ वाढवून या बस सेवेचा शुभारंभ करण्यात आला. यावेळी मनोज मोंडकर, सौ. पूनम चव्हाण, प्रसाद चव्हाण , मोहन मराळ, भाई लुडबे, रविना लुडबे, श्री. खवळे, जयू लुडबे आदी उपस्थित होते. या बस सेवे बद्दल भाविकांनी मनोज मोंडकर व पूनम चव्हाण यांचे आभार मानले..