⚡कणकवली ता.०२-: हरकुळ बुद्रुक-जंगमवाडी येथील श्री जंगमेश्वर सेवा मंडळातर्फे शुक्रवार 10 मे रोजी जंगमेश्वरपार याठिकाणी विविध कार्यक्रम व आरोग्य तपासणी शिबिराचे आयोजन केले आहे.
सकाळी 8 वा. आरोग्य तपासणी शिबीर आयोजित केले असून या शिबिराचे उद्घाटन डॉ. अनंत नागवेकर यांच्या हस्ते होईल. शिबिरात डॉ. बी. एस. म्हाडेश्वर, डॉ. शमिता सावंत-बिरमोळे या तपासणी करणार आहेत. 9 वा. पारपूजन, अभिषेक, 11 वा. श्री सत्यनारायणाची महापूजा, आरती, तीर्थप्रसाद, 1 वा. महाप्रसाद, 3 वा. महिलांसाठी हळदीकुंकू समारंभ, सायंकाळी 4 वा. महिलांसाठी होम मिनिस्टर, पैठणीचा खेळ, संगीत खुर्ची स्पर्धा, 6 वा. लहान मुलांसाठी क्रीडा स्पर्धा, 7 वा. स्थानिक भजनी कलाकारांचे भजन, रात्री 8 वा. श्री रामेश्वर प्रा. भजन मंडळ, भिरवंडे यांचे बुवा सतीश सावंत यांचे भजन, 9 वा. स्वागत समारंभ व पारितोषिक वितरण, 10 वा. श्री विघ्नहर्ता रामेश्वर दशावतार नाट्यमंडळ, निगुडे यांचा ‘शिव अघोरी संग्राम’ हा प्रयोग सादर होईल. तरी सर्वांचा कार्यक्रमांचा लाभ घ्यावा, असे आवाहन आयोजकांनी केले आहे.
